El 10 de payares celébrase'l Día Mundial de la Ciencia pa la Paz y el Desarrollu entamáu pola UNESCO. Con ello, esti organismu busca anovar los compromisos nacionales ya internacionales pal emplegu responsable de la ciencia en beneficiu de la sociedá, desaniciar la probitú a favor de la seguridá humana y llograr una mayor concienciacioón de la importacia de la ciencia con envís d'evitar la dixebra qu'esiste ente ciencia y sociedá.Ún de los oxetivos del Principáu d'Asturies, per aciu de la Conseyería de Cultura y Turismu, ye'l fomentu de la llingua asturiana en toles estayes de la sociedá, ente elles la científica. Ye por eso que s'instituye esti Día de les Ciencies Asturianes, que, nesta primera edición, dedícase al científicu asturianu Agustín Bernardo de Pedrayes y Foyo, el "Matemáticu Pedrayes", y que fixo la propuesta qu'orixinó'l nacimientu del metru como unidá de midía.
No hay comentarios:
Publicar un comentario